Jotform શોધ અને ગ્રાહક સંપાદનની નવી વ્યૂહરચના બનાવે છે

2006થી, Jotform ઑનલાઇન ફોર્મ નિર્માતાથી આગળ વિકસીને 4 કરોડથી વધુ લોકો દ્વારા ઉપયોગમાં લેવાતું AI-સંચાલિત વર્કફ્લો ઑટોમેશન પ્લેટફોર્મ બન્યું છે. Jotform 20,000થી વધુ તૈયાર ટેમ્પ્લેટ સાથે, લીડ મેળવવા, નોંધણી કામગીરી અને ચુકવણીથી લઈને કરારો અને મંજૂરીઓ સુધીની વ્યવસાય સંબંધિત જરૂરિયાતોમાં ટેકો આપે છે. આ વ્યાપ જ માર્કેટિંગનો મુખ્ય પડકાર છે: Jotform માત્ર એક પ્રોડક્ટ શ્રેણી રજૂ કરતું નથી. તે લોકોને સમજવામાં મદદ કરે છે કે તેની પ્રોડક્ટ્સ તેઓ જે વર્કફ્લો બનાવવા, ઑટોમેટ કરવા અને સુધારવા માંગે છે તેમાં કેવી રીતે બંધબેસે છે.

ChatGPT જાહેરાતની મદદથી, Jotform એવા પ્લેટફોર્મ પર દેખાવાની તકથી ઉત્સાહિત હતું, જ્યાં વપરાશકર્તાઓ પહેલાંથી જ રોજિંદાં કાર્યો અને વર્કફ્લો પર કામ કરી રહ્યા છે. આ ચૅનલ માટે ટીમનાં બે લક્ષ્ય હતાં: પહેલું, વપરાશકર્તાઓને ઑનલાઇન ફોર્મ બનાવવા, લીડ મેળવવા, ચુકવણીઓ સ્વીકારવા, ઇ-સહીની વિનંતી કરવા અથવા વર્કફ્લો ઑટોમેટ કરવાની જરૂર હોય તે જ સમયે Jotformનો પરિચય આપીને બ્રાન્ડ અંગે જાગૃતિ વધારવી; અને બીજું, દરેક વપરાશકર્તાની જરૂરિયાતને યોગ્ય Jotform પ્રોડક્ટ સાથે જોડીને ઉચ્ચ-ગુણવત્તાવાળા વપરાશકર્તાઓ મેળવવા.

Jotformએ ChatGPT જાહેરાતને તેની પરંપરાગત જાહેરાત પદ્ધતિના વિસ્તરણ તરીકે નહીં, પરંતુ એક સુવ્યવસ્થિત પ્રયોગ તરીકે અપનાવ્યું. વાતચીત આધારિત AI પરંપરાગત ઑનલાઇન જાહેરાત કરતાં અલગ વપરાશકર્તા અનુભવ આપે છે, તેથી ટીમ જાણવા માંગતી હતી કે આ ચૅનલમાં કયા ઉપયોગના પ્રકારો વધુ અસરકારક છે અને સમય જતાં આ સમજના આધારે તેની વ્યૂહરચના ઘડવા માંગતી હતી.

Jotformએ અભિયાનોને ત્રણ મુખ્ય જૂથોમાં ગોઠવ્યાં: Jotformનું વ્યાપક મૂલ્ય પ્રસ્તાવ રજૂ કરતા સામાન્ય અભિયાન, બ્રાન્ડ અભિયાન અને ગ્રાહકોની ચોક્કસ જરૂરિયાતો, વર્કફ્લો અને વ્યવસાયની પરિસ્થિતિઓના આધારે બનાવેલા ઉપયોગ આધારિત અભિયાન.

પ્લેટફોર્મ પરિપક્વ બનતાં ટીમે અભિયાનો શરૂ કરવાની વ્યૂહરચનામાં પણ અપનાવી. પ્રારંભિક આધારરેખા સ્થાપિત કરવા Jotformએ પહોંચ માટેના અભિયાનથી શરૂઆત કરી, પોતાની સાઇટ પર વધુ ટ્રાફિકનું સંચાલન કરવા તેઓ ઉપલબ્ધ થયા એટલે ક્લિક અભિયાન તરફ વળ્યા અને તાજેતરમાં સાઇનઅપ વધારવા માટે રૂપાતંરણ અભિયાન પણ શરૂ કર્યાં.

તે જ સમયે, Jotformએ વપરાશકર્તાઓ માટેના વિવિધ માર્ગોનું પરીક્ષણ કર્યું, જેમાં તેમને વિશિષ્ટ લેન્ડિંગ પેજ પર દોરી જતાં કેમ્પેઇન અને ChatGPTમાં Jotform પ્લગઇનનો ઉપયોગ કરીને ઑનલાઇન ફોર્મ બનાવવા, સંપાદિત કરવા અને તેનું વિશ્લેષણ કરવા દેતા અનુભવો સામેલ હતા. શરૂઆતથી ધ્યેય પરીક્ષણ, માપન, શીખવા અને પરિષ્કરણના પુનરાવર્તિત ચક્રનું નિર્માણ કરવાનો હતો, જેથી પ્લેટફોર્મ વિકસે તેમ વધુ માહિતીસભર ઑપ્ટિમાઇઝેશન નિર્ણયો લઈ શકાય.

એપ્રિલમાં Jotformના પ્રથમ અભિયાનો શરૂ કર્યા પછી, તેણે અભિયાનનાં સેટિંગ્સ, બિડિંગ વ્યૂહરચનાઓ, જાહેરાત એકમો, રૂપાંતરણ ઇવેન્ટ્સ, મેસેજિંગ, પ્રેક્ષક ડિલિવરી, ક્રિએટિવ અને લેન્ડિંગ પેજમાં 100થી વધુ ઑપ્ટિમાઇઝેશન પૂર્ણ કર્યાં છે.

કેન્દ્રિત પ્રયોગોમાંથી કેટલાક સૌથી અર્થપૂર્ણ સુધારાઓ આવ્યા જેમાં નીચેનાનો સમાવેશ થાય છે: યુઝ કેસ કેમપેઇન માટે લેન્ડિંગ પેજીસને ઑપ્ટિમાઇઝ કરવાથી સાઇનઅપ દરમાં 2.5 ગણો વધારો થયો; પહોંચથી ક્લિક ઝુંબેશમાં સંક્રમણ થવાથી સંપાદન ગુણવત્તા સાથે સમાધાન કર્યા વિના પ્રતિ ક્લિક ખર્ચમાં 4-5 ગણો ઘટાડો થયો; અને જાહેરાત સર્જનાત્મકતાને વિસ્તૃત અને રિફાઇન કરવાથી ક્લિક-થ્રુ રેટમાં 65% સુધારો થયો.

તે ઓપ્ટિમાઇઝેશનનું પરિણામ હવે કન્વર્ઝન સિગ્નલ્સ અને ખર્ચની કાર્યક્ષમતા એમ બંનેમાં જોવા મળી રહ્યું છે. ChatGPT જાહેરાત પરથી મળેલા ક્લિક્સમાંથી 10%થી વધુ ક્લિક્સ સાઇન-અપ્સમાં પરિવર્તિત થયા છે, જ્યારે પ્રતિ સાઇન-અપ ખર્ચ પેઇડ સર્ચ કરતા લગભગ 30% અને પેઇડ સોશિયલ કરતા 60% ઓછો છે. આ ચેનલ ખર્ચની દ્રષ્ટિએ પણ પ્રોત્સાહક પરિણામો દર્શાવી રહી છે; તેમાં કોસ્ટ પર ક્લિક પેઇડ સોશિયલ મીડિયાની સમકક્ષ છે અને 'નોન-સર્ચ પેઇડ મીડિયા'ની સરખામણીમાં 40% થી વધુ ઓછો છે.

આ પરિણામો દર્શાવે છે કે નાના-નાના સુધારાઓનો લાભ સમય સાથે વધતો જાય છે. ઉદાહરણ તરીકે, માસિક રોકાણમાં કોઈ ફેરફાર કર્યા વિના પેઇડ ટ્રાફિક 3.4 ગણો વધ્યો. એકંદરે, આ અનુભવે Jotformની માન્યતા વધુ મજબૂત કરી છે કે ટકાઉ વૃદ્ધિ ભાગ્યે જ કોઈ એક મોટી સફળતાથી આવે છે; તે ડેટા-આધારિત નિર્ણયો લેવા અને ગ્રાહક મેળવવાની યાત્રાના દરેક તબક્કામાં સતત સુધારા કરવાથી આવે છે.

પરફોર્મન્સના માપદંડોથી આગળ, Jotformને એ બાબતની વધુ ઊંડી સમજ મળી કે તેની વ્યાપક ગ્રાહક અધિગ્રહણ વ્યૂહરચનામાં ChatGPT જાહેરાત કેવી રીતે બંધબેસી શકે. આ સફરના દરેક તબક્કાએ ટીમને માત્ર તેના અભિયાનો જ નહીં, પરંતુ વપરાશકર્તાના હેતુ, મેસેજની પ્રાસંગિકતા અને વધુ સ્થાપિત જાહેરાત ચેનલોની સાથે સંવાદાત્મક શોધની ભૂમિકા વિશેની તેની ધારણાઓને પણ સુધારવામાં મદદ કરી. Jotform ChatGPT જાહેરાતને એ ચેનલોના સીધા વિકલ્પ તરીકે નહીં, પરંતુ એવા એક અલગ માહોલ તરીકે જુએ છે, જે તાત્કાલિક જરૂરિયાતના સમયે વપરાશકર્તાઓને સંબંધિત ઉકેલો સાથે જોડવાની નવી તકો ઊભી કરે.

આગળ જતાં, Jotform કયા સંદેશા, ઉપયોગના કિસ્સા અને ગ્રાહકની સફર વધુ સારા ગ્રાહક અધિગ્રહણ પરફોર્મન્સ, વધુ કાર્યક્ષમતા અને ગ્રાહકવૃદ્ધિ તરફ દોરી જાય છે તેનું પરીક્ષણ ચાલુ રાખવાની યોજના ધરાવે છે. ટીમ ChatGPT જાહેરાતને એક એવી રોમાંચક તક માને છે, જે લોકોને ઑનલાઇન ફૉર્મ બનાવવા, ઇ-સહી એકત્ર કરવા, મંજૂરીઓ સ્વચાલિત કરવા અથવા બહુ-પગલાંવાળા વર્કફ્લો બનાવવા માટે યોગ્ય Jotform પ્રોડક્ટ શોધવામાં મદદ કરે.